Asset Publisher Asset Publisher

የኢንተርኔት አገልግሎት ለግል ኩባንያዎች መሰጠቱ የፖሊሲ ለውጥ አለመሆኑን ኢትዮ-ቴሌኮም ገለጸ

የኢንተርኔት አገልግሎቱን ለግል ኩባንያዎች እንዲሰጥ የተጀመረው ስራ የፖሊሲ ለውጥ አለመሆኑን ኢትዮ-ቴሌኮም አስታወቀ። የተቋሙ ዋና ስራ አስፈጻሚ ዶክተር አንዱዓለም አድማሴ እንደገለጹት አሁን ላይ የተለያዩ ኩባንያዎች የኢንተርኔት አገልግሎቱን ከተቋሙ ገዝተው ለደንበኞች ለማቅረብ ውል አስረዋል ማለታቸውን ፋና ብሮድካስቲንግ ኮርፖሬት ዘግቧል። ስምምነት ላይ የደረሱ ኩባንያዎች አገልግሎቱን ከኢትዮ-ቴሌኮም ተረክበው ወደ መጨረሻ ተጠቃሚ የማድረስ ተግባር ያከናውናሉ ያሉት ዶክተር አንዱዓለም ይህም  ኩባንያዎቹ የየትኛውም መሰረተ-ልማት ባለቤት ሊያደርጋቸው የሚችል አለመሆኑን አስረድተዋል። የኢንተርኔት አገልገሎቱን የሚሰጡ ኩባንያዎች ከኢትዮ ቴሌኮም ጋር ተናበው ለመስራት የሚያስችል ስርአት እንደሚዘረጋም ተጠቁሟል፡፡ አገልግሎቱ በዚህ ደረጃ መስጠት በመስኩ ላይ እሴት ለመጨመር አይነተኛ ሚና ስለሚጫወት ነው ያለው ዘገባው ምናልባትም ዘርፉን ወደ ግሉ ዘርፍ ለማስገባት የሚጠቁም አዝማማያ አለመሆኑን ሳያነሳ አላለፈም።

አሁን ላይ ጂቱጂ፤ ዌብስፕሪክስና ቪቫቴክን ጨምሮ 8 ኩባንያዎች የኢንተርኔት አገልግሎቱን ለመስጠት ውል የወሰዱ ሲሆን አንዳንዶችም ስራ መጀመረቸው ታውቋል።