የኢንፎርሜሽን መረብ ደህንነት አስተዳደር (ኢመደአ) ሠራተኞች በሳይንስ ሙዚየም የተዘጋጀውን የዲጂታል ኢትዮጵያ ዓውድ ርዕይን ጎበኙ።

ጉብኝቱ የብሔራዊ ዲጂታል ካውንስል አባል ተቋማት ዲጂታል ኢትዮጽያን ዕውን ከማድረግ አኳያ አቅም የፈጠሩባቸውን ምርትና አገልግሎቶች ለመመልከት እንዳስቻላቸው ገልጸዋል።

የኢትዮጵያን ዲጂታል ትራንስፎርሜሽን ለማሳካት በተቋማት መካከል ትብብርና ቅንጅት እንደሚያስፈልግ የገለጹት ጎብኚዎቹ፤ ዓውደ ርዕዩ መዘጋጀቱ በየተቋማቱ ያለውን አቅም ለመመልከትና በቀጣይ በቅንጅትና ትብብር ለመስራት እንደሚያስችል ገልጸዋል።

የኢትዮጵያ የዲጂታል ትራንስፎርሜሽን ጉዞና ውጥኖች ላይ ያተኮረ ኤግዚቢሽን ጥር 19/2017 ዓ.ም በአዲስ አበባ ሳይንስ ሙዚየም መከፈቱ የሚታወስ ሲሆን፤ የኢንፎርሜሽን መረብ ደህንነት አስተዳደርን ጨምሮ የኢኖቬሽንና ቴክኖሎጂ ሚንስቴር፣ የኢትዮጵያ አርቴፊሻል ኢንተለጀንስ ኢንስቲትዩት፣ ኢትዮ ቴሌኮም፣ እና ብሔራዊ ዲጂታል መታወቂያ ፕሮግራም ምርትና አገልግሎቶቻቸውን በማሳየት ላይ ይገኛሉ።