የተቋማቱን አመራሮች አቅም ለማጎልበት የሚያስችል ስልጠና እየተሰጠ ይገኛል

የኢንፎርሜሽን መረብ ደህንነት አስተዳደር እና የኢትዮጵያ አርቲፊሻል ኢንተለጀንስ ኢንስቲትዩት አመራሮች የሥራ አውዳቸውን መሰረት ያደረገ የአቅም ማጎልበቻ ስልጠና እየወሰዱ ይገኛል፡፡ ስልጠናው በዋናነት በሥራ ባሕል ግንባታ፣ በዲጂታል ውቅረ ሃሳብ፣ እና በፕሮጀክት አስተዳደር ላይ ያተኮረ ነው፡፡

ስልጠናውን የኢንፎርሜሽን መረብ ደህንነት አስተዳደር ዋና ዳይሬክተር ወ/ሮ ትዕግስት ሃሚድ እና የኢትዮጵያ አርቲፊሻል ኢንተለጀንስ ኢንስቲትዩት ዋና ዳይሬክተር ወርቁ ጋቸና (ዶ/ር) አስጀምረዋል፡፡

እጅግ ተለዋዋጭ በሆነው የዲጂታል ዓለም ውስጥ ውጤታማ ሆኖ ለመዝለቅ ጠንካራ የሥራ ባሕል መገንባት እና ዲጅታል ውቅረ ሃሳብ ማምጣት እንደሚያስፈልግ የኢንፎርሜሽን መረብ ደህንነት አስተዳደር ወ/ሮ ትዕግስት ሃሚድ ስልጠናውን ባስጀመሩበት ወቅት ተናግረዋል፡፡

ስልጠናውን የሁለቱ ተቋማት አመራሮች በጋራ ሆነው መውሰዳቸው ከተሰማሩበት የሥራ አውድ አኳያ የሚገጥሟቸውን ተግዳሮቶች በጋራ ለመፍታት የሚያስችል መድረክ እንደሆነ የኢትዮጵያ አርቲፊሻል ኢንተለጀንስ ኢንስቲትዩት ዋና ዳይሬክተር ወርቁ ጋቸና (ዶ/ር) በስልጠና ማስጀመሪያው ላይ ገልጸዋል፡፡

ስልጠናውን እየሰጡ የሚገኙት በጀርመኑ መኪና አምራች መርሰዲስ ቤንዝ ውስጥ ለረዥም አመታት በተለያዩ የሙያና የሃላፊነት ቦታዎች ላይ እየሰሩ የሚገኙት ዶ/ር ጸጋዬ ደግነህ ናቸው፡፡